رمضان: حسنات مضاعفة

غادة فتحي.. إذا جاء رمضان فتحت ابواب الجنه وغلقت ابواب النار وصفدت الشياطين شهر رمضان هو الشهر التاسع من اشهر السنه الهجريه هو شهر نزول القرأن وهو شهر الصيام شهر الخير تعدل العمره فيه اجر الحج وكان الصحابه الكرام رضوان الله عليهم يسمون العمره في هذا الشهر بالحج الاصغر شهر رمضان هو شهر الرحمه شهر المغفره شهر العتق من النار رمضان هو الشهر الذي تتضاعف فيه اجر الصدقه عن غيره من الشهور رمضان من الشهور اللي بتتجدد فيه الروح وتنتعش بالايمان رمضان هو شهر القران الشهر اللي كل البيوت بتسمع فيها القران بصوت الشيخ المنشاوي والشيخ عبد الباسط عبد الصمد وغيرهم كتير من الاصوات اللي بتخلي القلب يخشع رمضان شهر قيام الليل شهر المحافظه علي الصلوات والرجوع عن الذنب والمعصيه كل العبادات في رمضان من صلاه وصوم وصدقه وصله الارحام وغيرها بتكون محببه لقلوبنا وبنتقرب بيها لربنا ويارب يقبلنا فيه من التوابين والمغفور لهم باذن الله رمضان هو شهر البهجه كل شارع في مصر لزم يتعلق فيه زينه والاطفال كلها تفرح ومش الاطفال بس الصراحه انا بستنا اليوم دا من السنه للسنه رمضان شهر الاكلات الحلوه في كل البيوت رمضان هي بوسه ايد ماما بعد الفطار علي كل الحاجات الحلوه اللي تعبت وهي صايمه فيها مش احنا الايام دي بنخزن كل حاجه جاهزه افتكر يوم كنا عاملين عزومه كبيره وجدو اول ما قدمنا الاكل ابتسم ابتسامه عريضه كدا وهو بيبصلنا وبيقولنا الاكل دا معمول بحب ياولاد الجمله دي عمري مانسيتها وعلي طول وانا بجهز اكل افتكرها وعمتو كمان قالت انتو هتغلبونا في الحاجات الحلوه دي تسلم ايدكو دا غير جمله ماما لينا اخر اليوم دايما رافعين راسي وضحكه مالهاش وصف من جمالها وبابا كل رمضان بيحب يشتري العرقسوس ويعملو في البيت وكلنا ك العاده مش بنحبو واحده من اصحابو اللي بيحبو ابويا اكتر مابيحبوني مره كانت بتتكلم قدامو انها بتحب العرقسوس اوي بعدها بابا بقا يعمل زياده ويروح لحد يديهولها قبل الفطار وكانت بتفرح بيه جدا جدا بالنسبالي هي ازازه مياه انما بالنسبه ليها هي احلي ازازه في الدنيا من عمو فتحي سحور رمضان بقا وميكروفون الجامع والجمله اللي مش بتغيب عننا (تسحرو فإن في السحور بركه) كان زمان ماما تلف علينا كلنا واحد واحد تصحينا دلوقتي بقينا احنا اللي صاحيين علي طول وبعد مانتسحر ونجدد نيه الصيام نتوضاء علشان نستعد لصلاه الفجر كلنا جماعه ونفضل نقرا قرأن لحد اقامه الصلاه وبعد كدا محدش بيقدر يوصف الراحه اللي اللي بتكون في قلوبنا ربنا يديمها علينا يارب ذكريات رمضان لو فضلت اكتب فيها شهور وسنين مش هيكفيها ابدا يارب نسالك بااسمك الاعظم ان تبارك لنا في الشهر الكريم وتغفر لينا وتجعلنا من عتقائق من النار يارب انت اعلم بالقلب وغصته يارب وتعلم مافي النفوس رمضان جنه فاغتنموه