بعد وقف بيكا وشاكوش: سرسجية حول العالم

دي صور لرابرز مشهورين جدا من أمريكا وفرنسا. شكلهم سرسجية صح؟ وفيه زيهم أضعاف في كل بلد. فيه منهم مليونيرات بيشتروا لبس غالي جدا وعربيات فظيعة وأسود. زي نامبر وان بالظبط. وفيه لسه مستنيين الفرصة يعملوا كدا. بس كلهم بيتقال عليهم سرسجية من طبقة ما في بلادهم. جمهورهم بالملايين وبيقلدوهم في لبسهم وكلامهم وحركاتهم. دول شغالين ودول شغالين. وبلادهم ما انهارتش ولا حاجة. جايز لسه هتنهار طبعاً لأننا بنبقى عارفين كل حاجة.

فيه صور تانية لنجوم ال كي بوب. الجانب التاني من الموجات الضاربة. شكلهم كيوت خالص. بس للأسف بيقولوا عليهم ديوثين ومش رجالة. التيستوستيرون مش طافح منهم زي الأولانيين. ومش بيغنوا حاجات من نوعية ضباع بسعر المقاطيع. جمهورهم برضه بالملايين. وبيقلدوا لبسهم وشعرهم وحركاتهم. وبرضه كوريا الجنوبية لسه ما انهارتش لأن رجالتها ما بقوش رجالة. جايز برضه هتنهار بس هما عموما بيتشهروا ويروحوا أمريكا ويطلع غيرهم وغيرهم حتى تحترق النجو