همسه مخنوقة

سلوى سعد

بصيت للعمر..

لقيته سراب.

اتبخر مني

سنين ف عذاب

بتمر أيامه ذهاب

و إياب .. احلم..

والحلم كتير كذاب

ف شبابى كان

الهوى غلاب

القلب اتهنى

وهنى وداب

ف ليلاتى احن

للاحباب ..

واصحي احكى

يوماتى للاصحاب

لو هاحكى راح

أملاء الف كتاب

واهو شاب الشعر

وقلبى شباب

اكتب عن شوق

وحنين وغياب

وأسرح ف نجوم

غطاها ضباب

و ارفرف ..بس

حايشنى الباب

ما انا حابسه

الروح جوه

السرداب..

و اهو عدى العمر

سؤال و جواب

حرفي المخنوق

عدى الأعتاب

ممنوع م الصرف وم الإعراب