أسرار وحكاياتالمميزة

زكي رستم ..أشهر عازب في تاريخ السينما المصرية

 

 

كتبت..ليلي الشريف

اشهر عازب فى السينما المصريه الفنان والمبدع زكى رستم واللى ابدع واجاد فى ادوار الشر ودا كان عكس طبيعته نهائى

كان معروف عن زكى رستم حبه للعزله و الوحدة والانطواء و طبعا كل دا لان اللى مش كتير يعرفوه عن زكى رستم انه كان بيحب بنت جميله جدا و اتفقوا علي الجواز و حدد ميعاد لزيارة اهلها عشان يطلب ايديها و لكن والدها رفض بشدة و قاله مستحيل اجوز بنتي لمشخصاتي ( ممثل)

حاول مرة تانية و راح لها عند البيت لقي زحمة كبيرة جدا و لما سأل فيه ايه قالوله انه البنت انتحرت بسبب رفض والدها الزواج من حبيبها

عشان كدا الفنان الراحل زكى رستم رفض الجواز من واحدة تاني غيرها طول حياته و فضل لحد وفاته وفي لحبيبته اللي ضحت بعمرها عشانه و مكنش ليه اصدقاء كتير غير الفنان سليمان نجيب و عبد الوارث عسر و كان عايش في شقة لوحده ومحدش بيونسه ولا بيقعد معاه غير راجل عجوز قعد يخدمه اكتر من تلاتين سنة و الكلب بتاعه اللي كان مربيه و بيتمشي معاه كل يوم الصبح

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق