المميزةثقافة وقراءة
قصيدة جديدة شيطان شرق اوسطنا
طارق يوسف
١٦/١٢/٢٠٢١
الرابعه صباحا
…………….
وليه الشيطان بقى معسكر فى شرق اوسطنا
وبقى صاحى وبقى نايم يوسوس لما لخبطنا
وساب بلاد العرى والفننه واغوانا واحبطنا
وشاط السنى ع الشيعى وزق الحوثي ع اليمنى
وقال للدرزى ده مسيحى وخلى يهود تشحططنا
…………
وليه بالذات في أراضينا يتبدل فيها ماضينا
بيطفا النور فى اوسطنا ويخرب فيها وادينا
ونبيع ع الصبح اسلامنا وايد الكفر ف ايدينا
وتل أبيب بقت امنه واوطاننا بتحميها
بايدها اليمنى بتطبع وباليسرى بتمحيها
ونبيع الزيت ونتداين ونتسلح لبعضينا
……….
يا ما نفسي يوم نقوم نشجب ونتاسف
لامريكا
لضرب إلروس لموانيها وغزو أوروبا اراضيها
او ترمى ايران بصورايخها على حيفا وتفنيها
او حتي الصين تدوس كوريا و تغطى الهند
كشميرها
ونتفرج على دموعهم فى نشراتنا ونمسح دمع اهالينا
………….
ويروح ابليس على فيينا ويقضى العطله فى رومانيا
وتجرب كوريا فى سلاحها وباريس ترازى المانيا
وحاشى لله فى يوم نشمت فى اعادينا
ولكن نفسى ينسوا اوطاننا وبترولنا واقصانا
انا عارف انها صعبه واصعب منها فرقتنا
…….
وعارف أنهم قوه وفهموا الدرس من بدرى
من يوم ما ولعوا الدنيا وقالوا حرب عالميه
وبرضوا كانوا في أراضينا ونفياتهم لسه مرميه
ولغتهم أصبحت قوه واعدوا لهم من قوه
وقوتنا فى لمتتا ورفعتنا وقدوتنا فى اسلامنا