سيمون فيميه حسن كامي الأليت

الفنان “حسن كامي” كان بيصور مسلسل (ناس وناس) و كان عامل شخصية (عزيز بك ) وكان دايما يطلع

بيتكلم عن السيجار و الكافيار و”السيمون فيميه”

في برنامج كانوا عاملينه ومستضيفين فيه أبطال المسلسل

فأحمد راتب قال :

العمال اللي شغالين في استديو التصوير سألوا حسن كامي : يعني ايه “سيمون فيميه يا بيه”؟!

فقال لهم : هقولكم بكره

وجه الفنان الجميل تاني يوم ومعاه 180 ساندوتش “سيمون فيميه” كبير … وكل الناس في مكان التصوير من أول أبطال العمل لعامل البوفيه أكلوا “سيمون فيميه”

فالمذيعة ضحكت وقالت له : كل الساندوتشات دي … طيب ليه كلفت نفسك كان ممكن تشرحلهم هو ايه و خلاص

فرد عليها رد جميل جدا قالها : ” فيه حاجات متتقالش بالكلام ، لازم بالفعل .. لو شرحتلهم هو ايه مش هيفهموا و هينسوا ، لازم يدوقوه عشان يعرفوا هو إيه ”

الفنان حسن كامي كان باشا لكنه كان بسيط مع الناس مش تنك ومغرور ومتعالي …. تواضعه هو اللي خلى كل الناس اللي عرفته تحبه وتدعيله بالرحمه

كان فنان جميل ربنا يرحمه