أقلام حرّة

رانيا حسن تكتب: لعله خير

 

 

لعله خير
عمرك صحيت متأخر
وقطرك واقف مستنظر
و راحت عليك الرحلة
قمت أكتفيت بالضحكة

لعله خير

عمرك أتعلقت بفكرة
وقولت ديه الأمل لبكرة
وفجأة صحيت من الكدبة
علي دمعة كانت سابقة

لعله خير

عمرك أتمنيت حاجة حلوة
وسعيت لأمنيتك لانها غالية
وقربت تحققها وتمسكها بإيدك
فبصيت ومالاقيت حد حواليك

لعله خير

عمرك دعيت ربك بحرقة
وبكيت وسعيت في عز الكربة
و لاقيته مستجبش لدعاك
وبعد عنك اللي كان علي هواك

لعله خير

أحمد ربك في كل الأحوال
أحمده بالفعل مش بالأقوال
ده ربك بيبعد عنك الشر
اللي انت دعيته وفاكره خير

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق