النص الحلو
الشاعرة رانيا حسن/ لعله خير
#لعله_خير
عمرك صحيت متأخر
وقطرك واقف مستنظر
و راحت عليك الرحلة
قمت أكتفيت بالضحكة
#لعله_خير
عمرك أتعلقت بفكرة
وقولت ديه الأمل لبكرة
وفجأة صحيت من الكدبة
علي دمعة كانت سابقة
#لعله_خير
عمرك أتمنيت حاجة حلوة
وسعيت لأمنيتك لانها غالية
وقربت تحققها وتمسكها بإيدك
فبصيت ومالاقيت حد حواليك
#لعله_خير
عمرك دعيت ربك بحرقة
وبكيت وسعيت في عز الكربة
و لاقيته مستجبش لدعاك
وبعد عنك اللي كان علي هواك
#لعله_خير
أحمد ربك في كل الأحوال
أحمده بالفعل مش بالأقوال
ده ربك بيبعد عنك الشر
اللي انت دعيته وفاكره خير
