ثقافة وقراءة
الشاعرة رانيا حسن : رومانسيات مع الحظر
ضحكت عيونك بهجتي
لانك ببساطة دنيتي
لسه بتسأل علي محبتي
منا جوبتك بكل قوتي
بحبك وانا في قربك
وعشقاك كمان بعدك
صدقني لما أقولك
انابجد مش لعبتك
ضحكة عيونك بهجتي
لانك ببساطة دنيتي
بتزعل وتقسي
وتقول هاتنسي
جرب كده تنساني
وتنسي اسمي وعنواني
انا مش مصدقاك
لأني بملك هواك
أصل أنا عمري ماعشت
كل اللي عشته معاك
ضحكة عيونك بهجتي
لانك ببساطة دنيتي
جرب كده تصالحني
وانا هقولك سامحني
مع أنك اللي جارحني
ومعذب قلبي معاك
اصل انا بحبك بأمومة
وفي حبك بقيت مجنونة
في أم تبيع ضناها
حتي لو جرح وأذاها
ضحكة عيونك بهجتي
لانك ببساطة دنيتي
#الشاعرة_رانيا_حسن
راىعة يا رانيا ، بالتوفيق دائما ان شاء الله