غادة مبارك..
ولا ع البال ولا كان ع الخاطر
شئ من الفرحة جاي علي سهوة
شايلين هم الماضي والحاضر
وبكرة بيوعد روحنا بزهوة
سر الضحكة بداية جديدة
قولوا يارب تبقي سعيدة
ربنا عالم شوفنا كتير روحنا وجينا ومشينا مشاوير
وفجأة ينادي هاتف ويقولك قد حان آوان التغيير
وظروفك مهما تكون صعبة
وآمالك قد تبدو بعيدة
في لحظة بسيطة الحال يتبدل
أوضاعك المايلة هتتعدل
علشان ربك كرمه كبير
هيبان ان لصبرك آخر
هيعوض قلبك ويصالحه وتعيش الايام الحلوة.
