10 فوائد لشرب الماء في الحر الشديد

نصائح طبية لدكتور مسالك بجامعة اسيوط

فى اخر ٣ أيام جالى العيادة ناس كتير بتشتكى إن ليها يوم او اكتر مش بتجيب بول

طبعا أول حاجه عملتها لهم كانت سونار و تحليل وظايف كلى عشان اطمن عليهم ان معندهمش مشكله و اللى الحمد لله طلعوا كويسين و بشوية اسئلة اتضح ان الناس دى مع الحر ده بتعرق جامد و بتفقد سوائل كتير و مش بتشرب مياه كويس تعوض بيها العرق ده

عشان كده أنا جمعت هنا النصايح اللى قولتهالهم فحبيت اكتبهم هنا عشان الناس كلها تستفيد فى يومين الحر دول تجنبا للمشاكل

١- شرب الميه يكون باستمرار بعطش و من غير عطش، عالريق و مش عالريق، بالليل و بالنهار، فى الشمس و الضله، ماتخليش ازازة الميه تسيب ايدك

٢- تناول قطعة جبنه براميلى او جبنه رومى قديمه او شوية مخلل لتعويض كلوريد الصوديوم المفقود فى العرق

٣- ممنوع الشطه و البهارات نهائيا

٤- الشاى و القهوة فى المعقول بدون اسراف و بدون امتناع

٥- تناول الموز يعوض فقد البوتاسيوم و يجنب الشد العضلى

٦- الاكثار من الفواكه و الخضروات كالخس و الجزر و الجرجير و الفجل و الخيار الغنيه بالماء و المعادن

٧- تجنب التعرض المباشر للشمس و خاصة الاطفال و كبار السن

٨- لو انت مريض سكر حاول تظبط سكرك قدر المستطاع، السكر مايزيدش عن ٢٠٠ باى حال من الاحوال

٩- لو انت مريض ضغط و بتاخد علاج ضغط فاحذر من انخفاض الضغط و الهبوط و قيس ضغطك يوميا

١٠- لا تتوقف عن شرب الماء و الماء ثم الماء و الماء إلا فى حالتين فقط: و انت نايم أو و انت بتصلى غير كده لا تترك زجاجة الماء من يدك