مافيش حاجه اسمها البحر ده مفيهوش قروش ومافيش بحر على سطح الأرض مفيهوش قروش القروش بتعيش في المياه البارده والدافئه وفي كل بحار الدنيا حتى الأنهار ممكن تقابل فيها قروش

 

يحدثنا الدكتور /خالد عبده

استشاري الصحة والسلامة المهنية

 

ماهي الأسباب التي تؤدي إلى وجود القروش؟

١- السيدات ألي بتنزل البحر بالمكياج وكريمات الجسم والشباب اللي بتحط مزيل عرق قبل السباحه وكريمات الشمس الروائح دي بتجذب القروش وتثير فضولها أعتبر البحر زي حمام السباحه خد دش قبل نزول البحر.

 

٢- البول في البحر زي الدم بالضبط ريحته بتشمها القروش علي بعد أميال.

٣- الناس اللي بتنزل بمايوهات ألوانها فاقعه بلاش علشان بتعكس الإضاءة وملفتة لأسماك القرش بلاش الفسفوري والبرتقالي.

 

٤- القروش ممكن تطلع لك للمياه الضحله بإستمرار لازم تكون شايف القاع حواليك وماتكونش المياه داكنه جداً أو فيها عكاره رمل.

٥- مش ضروري تعوم داخل المياه لمسافه طويله دي مش شطارة ومش محتاج تثبت حاجه لحد خد معاك نضاره سباحه علشان تعرف تبص تحت المياه وقت الضرورة.

 

٦- لما تقلع النضاره أقلعها حوالين رقبتك مش فوق رأسك فوق رأسك دي أشاره للمنقذ أنك في خطر.

٧- ما ترميش أي بواقي أكل في المياه حتى لو ساندوتش جبنه حتى لو بسكوت ولو شفت حد بيعمل كده أمنعه الحاجات دي مهما بلغت تفاهتها بتستدعي أسماك معينه علشان تأكلها والقروش بتأكل الأسماك دي وبتدور عليها.

 

 

٨- لو أتجرحت لأي سبب أخرج من المياه فوراً مهما كان جرح صغير والسيدات أي نزيف أيا كان مصدره يمنعك من السباحه.

٩- ممنوع لبس الخواتم والدبل والساعات والأساور البراقه الفضيه.

 

١٠- إذا شعرت وأنت بتعوم أن في موجة مفاجئه ودفعتك من أسفل إلى أعلى أخرج من المياه فوراً.

١١- مافيش داعي للطرطشه وأحداث أرتباك على سطح المياه وأنت في عمق وممنوع في جميع الأحوال تغوص لوحدك.

 

 

١٢- ممنوع تتعرض لأي شكل من أشكال الحياة البحريه ولا تحاول تلمسها أو تستفزها ولو لقيت كائن بحري ميت بجوارك أخرج من المياه.

١٣- لما تلاقي لافته ممنوع السباحه أو العلم مرفوع ما تنزلش المياه مش شطارة برضو ولو بتعوم وحارس الشط أو راجل الإنقاذ صفر لك أخرج فوراً.

١٤- ما تحاولش تعوم بالقرب من مراكب الصيد أو الصيادين.

١٥- بلاش الهزار المرح بتاع أنا بغرق / ألحقوني قرش عشان وقت الجد ماحدش حايساعدك.

١٦- ماتنزلش للسباحه أو الغوص على الإطلاق في مكان متعرفوش.

١٧- لو أمسك بيك قرش فعلاً حاول تمسك عينه أو خياشيمه ساعتها يتركك فورا أعرف شويه عن طبيعه المكان ألي رايح تصيف فيه وأبحث عن أنواع القروش الموجودة والحياه البحرية الخطيره

١٨- في حيوانات أخرى غير القروش تبدو مسالمه زي الدلافين السلاحف، الغلاسه عليها ممكن تخليها تقتلك بسهوله تامه السلحفاه البحريه ممكن تبترلك أصبع او اثنين

إجراءات السلامه والصحة المهنية لضمان سلامه زوار شواطئ البحر وتجنب حوادث هجمات القرش

أستجابه لحادثه هجوم سائح روسي في الأيام الأخيرة وتهدف إلى توعيه الزوار بالإجراءات الواجب اتباعها للحفاظ على سلامتهم

١- عدم التبول في مياه البحر أو سكب اي مشروبات بها نظراً لحساسية حواس أسماك القرش وزياده حاسه الشم لديها عندما تكون جائعه وتبحث عن فرائسها

٢- عدم ألقاء بقايا الطعام في مياه البحر

٣- فتره الحيض والجروح والمكياج – ارتداء مجوهرات – ساعات

٤- يجب التأكيد على أهمية اتباع هذه الإرشادات والتعاون مع السلطات المحليه لتعزيز السلامه على شواطئ البحر وتوفير بيئة أمنه لجميع الزوار

٥- هذه الإرشادات جزء من سلسلة الأجراءات التي تعمل عليها الخبراء والجهات المختصة لضمان سلامه زوار البحر والحد من حوادث هجمات القروش

* لتجنب هجمات أسماك القرش أليك ٧ نصائح في حال هاجمتك سمكة قرش *

١- تصرف بشجاعه

إذا رأيت سمكة قرش وأعتقدت انها على وشك الهجوم ينصح خبير أسماك القرش ومدير ملف هجوم القرش الدولي جورج بورغيس بأن تتصرف بشجاعه لأن أسماك القرش تهاب حجم وقوه فريستها وقم بلكم سمكة القرش على انفها إذ يقول بورغيس ان ضربه الأنف تروع أسماك القرش

٢- لا تتظاهر بالموت

إذا وجدت نفسك بين فكي القرش الأبيض أو القرش البيري فإياك أن تتظاهر بالموت

ويقول بورغيس إذ تظاهرت بالموت فيكون مصيرك الموت فبعد ان تقضم سمكة القرش قضمه أستكشافيه من جسدك ستعتقد أنها فازت في المعركة وستبدأ في ألتهامك بوحشيه

٣- قاتل حتى النهاية

تعامل مع سمكه القرش كما لو كنت متنمر حي فإذا كنت تحمل بحوزتك شيئاً مفيدا كعصا السيلفي او إحدى معدات الغوص أستعن بها لضرب القرش او استخدام يدك ووجه ضرباتك نحو المناطق الحساسة للقرش كالأنف والخياشيم والعنين

٤- أسرع إلى الشاطئ

إذا أستطعت الأفلات من فكي القرش فأسرع في السباحه إلى الشاطئ إذ يشير بورغيس إلى أن الضجيج والدم الناتج من معركتك مع القرش قد تجذب أسماك القرش الأخرى التي تسبح في الجوار

٥- تجنب السباحة مساءآ

على الرغم من السباحة ليلا تتميز بأجواء خاصه الا انه من الأفضل تجنب السباحة في ذلك الوقت إذا لن تتمكن من رؤية أسماك القرش المتوجهه نحوك وينصح بورغيس بتجنب مصبات الأنهار والقنوات المائية وأي مكان تتجمع فيها الأسماك

٦- تجنب مناطق الصيد

قبل دخول البحر ألق نظره حول محيطك إذا رأيت قوارب صيد انسى الأمر ويقول ريتشارد بيرس خبير أسماك القرش والرئيس السابق لجمعية SharkTRUST وبحسب بيرس سواء كان نشاط الصيد تجاريا أو ترفهيا فإن أسماك القرش تنجذب لمحيط أماكن الصيد بسبب الذبذبات الصادرة عن الأسماك التي يتم صيدها او ما يلقي في المياه من طعوم او مخلفات وبقايا اسماك

٧- تجنب أكسسوارات لامعه

من المؤكد ان المجوهرات العاكسه للضوء تجذب انتباه أسماك القرش إذ تعتقد أنها قشور الأسماك الصغيره لذلك أترك الزينه اللامعه على الشاطئ ٠