لحظة

كتبت رانيا حسن ✍️

هتلاقي لحظة بتغيرك و تبدلك للأبد

بتكون فيها إنسان غير الإنسان

لحظة بتتحفر جواك علي طول الأمد

لحظة مرعبة بيموت فيها الأمان

الأَوليَ

لحظة فقدان السند

و خلخلة و هدهدت الوتد

ومهما زاد أو أقل حواليك العدد

بتحس بوحدة و لو عندك ١٠٠ ولد

التانيةَ

لحظة كسر العشم

واللي بيحبك بيزرع جواك الألم

لحظة ما تتوصف بمليون قلم

كسر خاطر بيرفرف و كأنه علم

التَالتةَ

لحظة ما تفتح عنيك

وتعرف الصادقين من الضاحكين عليك

فبتضحك ودموعك مغرقة كفوف ايديك

ماتعرف ديه فرحة ولا حزن علي الكدب حواليك

هتلاقي لحظة بتغيرك و تبدلك للأبد

بتكون فيها إنسان غير الإنسان

لحظة بتتحفر جواك علي طول الأمد

لحظة مرعبة بيموت فيها الأمان