قادر اقول اه . ولا قادر اقول لأ

مش قادر اقول اه . ولا قادر اقول لأ ………….

عين فى الجنه . وعين فى النار . ان جيت للحق …………….

بس القلب . ما بطل دق ……………

واهو حن . وناوي . وهيرق ……………….

وبينبض وتقيد النار … واصل ليلى .. بليل ونهار .. والعقل اتبرجل واحتار … وعمال بتشد وبغرق …………….

خايف احب . وامن قلب … ويطلع وهم … واعيش فى الكدب ……………

وخايف اسيب الحب .. يسبنى الحب .. واشيل الذنب ……………

ويضيع العمر … وناار الجمر …

اللى الحب بيديها أمر … جوه القلب تزيد وتشب ………………….

واسرح ويا الذكرى وادقق …………………

حد يقولى اعمل ايه … اعيش الحب …

واروح وياه … واسلم امرى . واصدق ………………….

ولا ابعد عنه … واهرب منه ..

وأفضل خالى البال ومروق …………..

ولا أسألها .. واعرف منها … ويبقى القلب ساعتها أتحقق ………………..

قولت اسألها وبعدين نبدأ ………………………. قالتلى هاقولك حاجه … الحب احلى حاجه … الحب كل حاجه …

والدنيا من غير حب …

ولا تسوى أى حاجه ………………….

قولتلها … الحب قدر

وما لوش اسباب ………………

الحب خطر . لو دق الباب …………….

الحب سهر . وشجن وعذاب ……………

الحب غريب . وبعيد وقريب ………….

الحب وجع .. وجرحه صعيب ………………

قالتلى … الحب أن جالك يفرح بيك ………..

ويا عينى لو سابك . مين يداويك ……………

الحب لا يعرف لون . ولا عمر ……….

الحب بيأمر . قلبك أمر ……………

الحب قمر . فى الليل وناس …………

الحب سفير . لقلوب الناس …………

الحب سفر . وما لوهش رجوع …………

ولا ليه خطه ولا مشروع ………..

لو صادفك . يسكن جوا الروح ……….

ويعيش وياك مطرح ما تروح …………

إيه رأيك لو نوصل بينا ………

وطريقنا ينور ويلألأ ……………

ونحب الحب اللى مابينا ………..

وحياتنا تفتح وتشقشق …………….

وساعتها انا قولت اه …

ما اقدرش اقول لأ ………………….