رانيا حسن تكتب: خواطر صباحية

مبقتش خلاص بسلم بوشوش البني آدميين
ولا بهدي ولا بتعلم وأقول عليهم حلويين

ديه أقنعة ملبوسة وراها ناس مهوسة
وكل قناع بيداري احقاد في القلب محبوسة

الكل وشه جميل وانت ليه مطيع
جرب كده مرة وأخرج عن القطيع

وأمشي كده لوحدك بعيد عن الجميع
هتلاقي وشوش تظهرلك بشكل بشع فظيع

كأنه سحر أتحول من فيلم رعب قديم
أو تعويذة وتمت من شيطان رجيم زميم

نفسي ألاقي وش من غير قناع ولا غش
مرسوم عليه الطيبة مش هزيل وهش