خسارة…..والل جاى عل المحارة.

..

نهى اباظه تكتب

خساره متخسره …مرسومه بالمسطره …عدت كل الل اتعدى ..و.مابقاش فيها السيطره ..حسبوها حسبه بورمه .. والشغل فيها دندورما . . والل حاجز في الاول …في ثانيه رجع ورا …

خساره ومتخسره …

وخساره كبير بالأسم … طول عرض و اكبر جسم ….رجل بتجرى وتشوط . . بس محطوطه في الجبس…

.المظبوط مظبوط بقي ساده… ..ويامكتر فيها الميكس .. غيرنا ملامح ولا لامح …والفلتر هو الل يسامح…

..الصوره الحلوة مش حلوة ..والاصل يسد النفس.

وخساره متخسره

وخساره عمر ولا فلوس ….ولا البخت طلع منحوس . .. … عقلك يوزن ييجى ١٠٠ كيلو …بس الوزن للجاموس…

منظور ومن العين محروس …ابن اصول بس مهرووس ..

العفريت طلع بدماغه …وانت طلعت فيها ملبوس ….

وخساره ومتخسره

وخساره مخسره بالمخاسير ….كسبنا شويه فيها حلوين …بس خسرنا برضه كتير..

الل معايا يجيب غساله ….مش جايب كيسين برسيل . …

والفرخه طارت من العشه … واللحمه طب مين الل حايشها….

سكرها بتمن البنزين …وزيتها لازم تموين …

قولت انزل اغير جو …نزل الوزن عملت ريجيم..

وخساره متخسره..

وخساره خدوك على عيبك ….وخساره عل الل ف جيبك ..وخساره صاحب ولا عيال. وخساره عجله من غير بدال……و السيره والنعمه فل بس بتيجى وسط الدخان . ….

وخساره متخسره

وخساره يا الف خساره…اوضه وفاكرها عماره …..سلمها ناقصه جدار ..وجرسها عايزله اشاره. ..سلمت فيها للكل …الاعمى وابو نضارة…

وطلعت فيها كسبان …ضغط و حصوه عل مراره.

وخساره متخسره