حكاية عربية ذهبت للتجارة مع الله

قصة يرويها صاحبها: محمود بدر الدين

صاحب عربيه اتفق مع صنايعي
يعمله شغل قيمة ١٢ الف جنيه
الراجل أخد نص الفلوس و الباقي عند التسليم
فات اسبوعين
الراجل صاحب العربية بيكلم الصنايعي
تليفونه مقفول ب استمرار
قال اروحله اخد فلوسي
او لو خلص اديله الباقي و استلم عربيتي
راح الورشه لقاها مقفوله
سأل عرف بيته
راح خبط
فتحت له طفلة صغيرة
قالها بابا فين يا حبيبتي
البنت ردت ب براءة الاطفال و قالت
بابا سافر عند ربنا يا عمو اندهلك ماما ؟!
الراجل صاحب العربية اتصدم
و قالها اندهي ماما
جت الست لابسة اسود و شكلها شقيان اوي
قالتلو خير يا استاذ
قالها انا في شغل بيني و بين جوزك هو توفي ؟!
قالت ايوه من اسبوع الله يرحمه
بس لو ليك فلوس ياريت تصبر عليا شهر ابيع عفش الشقة او
استلف بس والله اطمن
الراجل سكت و بص للبنت الصغيره و للست و للطفلة ال
رضيعة ال علي دراعها
و قالها لا يا مدام جوزك الله يرحمه كان عملي شغلي و كان فاضله عندي ٦ الاف جنيه اهم
الست اتفجأت و قالت بس هو اصل مكنش ..
الراجل قاطعها و قالها دي فلوسكم و انا خدت حاجتي سلام عليكم .. الراجل اداها الفلوس وراح اخذ عربيتة من قدام الورشة ومشى
تخيل كدا رحمة العبد بالعبد اد ايه جميلة فما بالك بقى برحمة الرحمن بعبده
و مين فينا مش محتاج رحمة الرحمن ..
وجبر الخواطر
من احسن انواع التجارة الرابحة مع الله