تفاصيل انتحار نور الدين . موظف شركة تيليبيرفوماذ

ودي شركة كول سنتر مالتي ناشونال .

نور تم استدعاؤه الأسبوع الماضي من طرف مديره المدعو / محمد س ، وإبلاغه بخصم أربع أيام من مرتبه ، لإنه بيدخل الحمام كتير ، وده لظروف نور الصحيه .

واتكلم مع نور بطريقة مهينة جدا ، وكان في تعمد لاجبار نور علي الاستقاله من طرف مستر محمد.

وللأسف نور كان مضطرا يستحمل يقعد الفتره دي ، لإنه هيقبض البونص بتاعه في شهر فبراير اللي جاي .

لكن محمد باشا صمم يرفد نور قبل ما السنه تقفل ، ويحرمه من البونص .

نور كان عامل حسابه علي المبلغ ده في سداد ديون عليه كتير .

وده اللي حصل بينهم ، وتم إبلاغ نور بقرار الرفد ( اللي انا متاكد انه هيختفي من الورق دلوقتي علشان سمعة الشركه ).

نور ماستحملش ونفسيته كانت منهارة ، ومش قادر يواجه مراته واطفاله ، واسودت الدنيا في عنيه ،وقرر ينتحر بانه رمي نفسه من الدور التالت في الشركه ومات.

دي التفاصيل اللي موظفين الشركه خايفين يتكلموا فيها او ينشروها .

..

الأستاذ محمد س م ، حضرتك كنت السبب المباشر في انتحار نور ، انا لسه معرفش عنك حاجه، بس بوعد حضرتك ، ان صورتك هتكون منوره في كل صفحات مصر بعد شويه .

…

فى سياق متصل تم التواصل مع الشركة الأم في امريكا ، وتمت الرد عليا شخصياً ، وهم الآن علي دراية بالموضوع ، وتم تزويدهم بكل التفاصيل الخاصة بالموضوع، وجاري المتابعه معاهم .