الحكاية ف الزوايا

كتب// نهى اباظه

الحكايه في الزوايا …..شكلها مايله ومعكوسه…..كل ما تبص ف مرايا ..تشوفها عفريته و ملبوسه… هى كانت ماشيه فل …ايوه فل بس برضه فيها عوزه .. … الل ارتاح ريح وعدى. .بس اتعود خلاص عل الحوسه …

والحكايه ف الزوايا

الحكايه واحده بس ..و عمرها ماكانت مخفيه….. كل عين بتشوفها حاجه ..وما ينفعش تعرف نية..

نية بيضا ..نية سودا..استايل وماشي موضه….تفتكر نصيبك شقه…. وف جيبك مفتاح اوضه.

..والحكايه في الزوايا

الحكايه هى هى ..كل يوم بقت متعاده ..الل عايشها راحه راحه..والل اتعود ناقصه حاجه…ايوه فعلا مش حاسبها ..بس مش عارف منين يجبها .

هو عادى يكمل يومه صلح او خناق..بس مش عادى يكمل عمره حبه جرى و حبه سباق..

مش خروف وقال ماء…ولا حتى صابه داء ..

فيها كيميا زى الاحياء

والل كان عايشها هايدى …طلعت ف الاخر سناء

والحكايه ف الزوايا

والحكايه من اول زاويه …عل الخير ماكانتش ناويه…كل زاويه فيها حاوية..حاويه لم ..ماتعرفش الكلمه الحلوة هى حلوة ولا ذم ..الكبير بتقوله يا عم …راضي عايش ….واللى اشتكى جته الهم …ساعه الكشف راح الدم …. والل اكلها اكله حلوة …من العين ياعينى اتسم

والحكايه ف الزوايا

شكل ومنظر ….بس مكسر…والل شرحها عمره مافسر…مش فاهمينك ولا عارفينك…أى كمين بقي هو كمينك..

والحكايه ملهاش رد ….شكل ومنه قام اتخض …حد يضرب غيره عادى …بس الكلب كمان يتعض ..كنت فاكر جبت اخرها…و المولد عمره ما انفض…بس طلعت فيها كابتن .. .وبرضه الجون الل بيتصد

والحكايه ف الزوايا