الحب له روح

شعر ..إيناس السيد

الحب له روح

**********

الحب له روح رايقة صفية

لا يعرف عمره لون ولا إسم

ولا له فى خدود ولا حتى قدود

ولا عين سودا ولا عسلية

ولا نجم بأوصاف قياسية

الحب له روح رايقة صفية

********

الحب قمر كل الأحوال

وحبيب ساكن دايما ف البال

ولا تطمن زى الأطفال

إلا ف أحضان الحنية

الحب له روح رايقة صفية

**********

الحب دوا لجروح العمر

يعنى ميعرفش أبدا عمر

الحب دفا وصفا مع صبر

وقلوب مبتعرفش أسية

الحب له روح رايقة صفية

**********

الحب سما ومين هيطولها

غير اللى لحبيبه يقولها

ويقولها وتفضل على حالها

نبع ما بيخلصشى الميه

الحب له روح رايقة صفية

**********

الحب له روح تشبه روحنا

يرسم ف قلوب على ملامحنا

فى عيوننا ينور أفراحنا

نصبح له مرايات مضوية

الحب له روح رايقة صفية

*********

https://www.facebook.com/share/p/1WPGqxykbi/