التفاصيل الكاملة لمصرع الدكتورة سميرة عزت عالمة بحوث السرطان داخل اسانسير أكبر شركة للأدوية في مصر

يوم التلات اللى فات و فى شركة ايفا فارم دكتورة اسمها سميرة عزت المسئولة عن الابحاث ماتت فى حادث اسانسير .. لحد هنا الخبر عادى الملفت فى الخبر السيرة الذاتيه للدكتورة قويه جدا و كمان انها بتشتغل فى مشروع الجينوم و كانت قربت من اكتشاف خريطة الفيروسات الجينيه و هينتج عنه علاج امراض مكلفه باسعار زهيده فى بحث عالمى .. و الحقيقه ان مشروع الجينوم كله فيه خطورة و عشان ما اطولش عليكم يكفى ان تعلموا انه ما تمش بمزاجنا وان فيه ضغوط شديده ان علماء اسرائيليين يشاركوا فيه لان هدفهم اثبات ان اليهود هم اصل المنطقه وانهم السكان الاصيله و بالتالى فيه قانون صدر سنه ١٩٩١ فى الامم المتحده يسمح للسكان الاصيلة بحق العوده ..

.. كل ده بيحط علامات استفهام حول المشروع و ظروف وفاة الدكتورة سميرة رحمها الله … و الحقيقه ان مصر مشهورة بمقتل علمائها من اشهرهم سميرة موسى و يحيى المشد والدكتور على مصطفى مشرفه اللى اينشتاين قال بموته مات نصف العلم و العجيب ليه الست دى مش متعين لها حراسه … يعنى شغالة فى مشروع خطير و وصلت فى ابحاثها لدرجة متقدمه ليه ما يبقاش لها حراسه ؟؟؟ بالمناسبه فيه دكتور فى كليه علوم اسكندرية توفى فى حادثه عجيبه كان بيعمل بحث عن الدياتومات واستخدامها فى تحليه الميه و زوجته كانت دكتورة جينات بس للاسف محدش حس بيه برضو والكلام ده تم فى التسعينات اعتقد سنه ٩٥ ..

وصديقى المثقف جدا Mohamed Kamal لفت نظرى انى نسيت نقطه مهمة جدا ان بحث دكتورة سميرة و مشروع الجينوم اللى بيتم عن طريق الخريطه الجينيه قريب جدا لابحاث دكتور جمال حمدان اللى اتقتل برضو بس كان دكتور جمال حمدان الله يرحمه كان ابحاثه فى جغرافيه المنطقه و نسب اليهود المعاصرين