النص الحلو

نهى اباظه تكتب وساعة الجد…..الكل اتهد

 

….هى الدنيا ليه مش أدى ..قصدى ليه ماشيه على الأد …..ساعه ضحك ..و ساعه هزار .. والباقي كله ف الجد ….الل بعينى بشوفه يوماتى …اركز فيها ولا عارف حد…

..هى الدنيا ليه مش أدى

طب هى ليه الساعه مكسوره …وعمر ماصح فيها الصوره …

والعقرب لف ف لفاية….كل ما اشكى تقولى كفايه …. …. مخى فيها جاله هفايه…ولما بردت لبست هدومها .. .و.فلوسها هى الدفايه……..

حتى الساعه طلعت مش كامله ..بجرى فيها زا العامل عامله …اطلع فيها طاير على كوبري ..انزل معصور زا المانجايه

هى الدنيا ليه مش ادى

طب ليه شلوت ومعاها ألمين….ومليش من السكر الا كيسين …طب ادوق اللحمه ضحكوا عليه…..ما بلاش ارديحى …منعوا بانيه ..

طب..ني ف نى .. وقالوا سوتيه …كله اتغش كفايه عليه..

. واتارى الاكل كمان بيضر ..لاتشوفوا الصبح ولا بليل

هى الدنيا ليه مش أدى

طب هى ليه سانده عل مطلع…انزل فيها كل ما بطلع…وتملى عاكسه معكسانى..اروح بيتنا …لأ حرجع تانى..

راجعها ومعايا كام كيلو.. …بس ميزانها معايا مغشوش .عايم فيها من غير عوامه….محسوب سمكه وسط قروش…

ألحق صحح نظرك فيها…. عشان حتشوف الل ماشوفتوش..

هى الدنيا ليه مش ادى

هى ساعات بتكون مبروكه ..بس لازملها برضه باروكه ..وصراحه التسريحه عجبانى ..بس الشعر …اتكعبل تانى….مها تلون تصبغ غير…مسيره يرجع ابيض تانى…

هى الدنيا ليه مش ادى

…ايوه نصيبي ماطلعش نصيبي ..والرزق بطلوع العين .اجرى اد ما بجرى .ومتنصص برضه مع الغير .

وساعه الجد …الكل اتهد …انا مش عارف اكلم حد..ولا ده عاجب ….ولا ده عاجب…حبل اتفك وبعده اتشد …الل حسبها …جمعها طرحها …بس ياعينى ملهوش في العد …

.ايوه الميا حلوة و ماشيه …بس الحوض تملى بيتسد

هى الدنيا ليه مش ادى..قصدى ليه على ماشيه عل الأد

.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق