عيد الحب💝💝

رانيا حسن

كل سنة حبايبي وأنتم للحب عيد

و هابي فلانتين وعيد حب سعيد

أجمل كلمة تسمعها كلمة بحبك

و الأجمل منها هفضل بقربك

بقولها لكل أهلي وحبايبي و أصحابي

بقولها لكل حد قريب كأنه من دمي

يارب جمعنا وما تفرقنا

وألف قلوبنا وخفف وجعنا

بحبك بقولها و بأعلي صوت

مش بقولها وانا مكسوفة موت

الحب ده حق لكل إنسان

مارس حبك بمنتهي الأمان

الحب ده كنز بكل معانيه

وأوعي في يوم تحاول تخفيه

حب أمك حب أبوك

حب صحبك حب أخوك

علشان يوم متلاقي حبيبك

تعرف تقوله انه نصيبك

وسع يلا دايرة حبايبك

وعيش معاهم ساعة لقلبك

كل سنة حبايبي وأنتم للحب عيد

وهابي فلانتين وعيد حب سعيد

❤️❤️❤️❤️❤️❤️❤️❤️❤️