حبكيات … ( صباح رمضان ) …

صباح رمضان

صباح رافض لكل ( موائد الرحمن )

ويحجب نورُه م الكاميرا

اللي بتصوِّر فقير يتهان

صباح من غير ( ياميش ) ولا ( جوز )

عشان أسعارها تضرب جوز

وتعدِل ( بُوز )

وتقلِب ( بوز )

وتتجنِّن ب كيف و يجوز

وممنوع تقرَب الدُكان

صباح زعلان علي الفُقرا

وع الناس البخيله

وعندها القُدره

ومش رَفع الحيطان سُتره

بتعلا الحَسَنه بالكتمان

صباح أرواحنا في التراويح

ونملا قلوبنا بالتسبيح

ونتكلم بدون تجريح

ونآخد بعض بالأحضان

صباح رمضان

___________________

محمود الحبكي